مقادير العجين
350 دقيق
نصف علبة ياغورت طبيعي
معلقة كبيرة خميرة معجونة
معلقة كبيرة سكر
2 معالق كبار زيت
معلقة صغيرة خميرة الحلوى
نصف معلقة صغيرة ملح
بيضة
ماء دافي
مقادير الحشوة
بصلة مشلظة
فلفلة مقطعة مربعات
فص ثوم
معدنوس
علبة كبيرة طون
ملح و ابزار وتحميرة و خرقوم
فرماج محكوك
بيضة
عجنت العجين وخليتو يخمر وبديت في تحضير الحشوة
وضعت شوية الزيت في المقلة أضفت لها البصلة و الثومة
بعد ما تشحرت البصلة شوية ضفت لها الفلفلة
ثم التوابل الملح و الابزار و التحميرة و الخرقوم
خليتهم على نار مهيلة حتى طابت الفلفلة و البصلة و أضفت لهم الطون مصفي
خلطت الطون مع باقي المقادير مزيان طفيت عليه النار و ضفت المعدنوس وخليت الحشوة تبرد
بعد ما خمرت العجينة طلقتها بالمدلك و قطعتها دوائر يكون قياس الدوائر على حسب حافة المول
خذيت مول الكاب كيك دهنتو بالزيت و وضعت في الوسط دائرة
ثم بقيت تنوضع الدوائر على الجوانب واحدة على جانب الأخرى
حتى كملت تستاف العجينة تيكون 6 دوائر في كل وردة بعد ما بردت الحشوة ضفت لها بيضة و الجبن محكوك
وعمرت بها وسط كل وردة نفس الطريقة عملتهم في مول السليكون غير الدوائر 5 في كل وردة
خليتهم يخمرو شوية تقريبا نصف ساعة و دخلتهم الفران
من فضلك شارك هذا الموضوع اذا اعجبك
الموضوع من طرف: عبد الحكيم الحماني
عبد الحكيم الحماني 19 سنة ،مدون مغربي مهووس بجديد تكنولوجيا المعلوميات ، مهتم بتطوير المواقع والتجارة الالكترونية يمكنك متابعته من خلال الفيسبوك . تويتر . جوجل بلس
ليست هناك تعليقات:
إرسال تعليق